gwener | sadwrn | sul
Bamo (Cwrdistan)
Dyma nhw nôl. Roedd ein ffrindiau o Gwrdistan a gafodd pawb i ddawnsio mewn cylch i gerddoriaeth werin Cwrdistan yn gwybod sut i wneud sioe yn 2009 a dyna oedd eu sioe gyntaf erioed! Byddwch chi'n ffaelu cadw'n llonydd
Bellevue Rendezvous (Yr Alban)
Ffurfiwyd Bellevue Rendezvous yn 2006 o ganlyniad i gariad tri pherson o alawon hynod ac amrywiol o bedwar ban byd. Y triawd - a'u cyfuniad anarferol o offerynnau - yw Gavin Marwick, (ffidil) Ruth Morris, (nyckelharpa) a Cameron Robson (bwswci). Yn eu repertoire ar hyn o bryd mae llawer o alawon gwreiddiol, yn ogystal â cherddoriaeth o'r Alban, Iwerddon, Lloegr, Cymru, Serbia, Ffrainc, Llydaw, Macedonia, Gwlad Pwyl, Canada, y Ffindir a Sweden.
Marc Egea (Catalwnia)
Ganwyd Marc yn Barcelona ym 1973, ac astudiodd athroniaeth, flabiol (ffliwt Catalwnia), gitâr, hyrdi-gyrdi a harmoni. Dechreuodd ei yrfa fel cerddor proffesiynol ym 1990 gyda'r triawd "Músics de Safeu" ac yn ddiweddarach gyda "Pont d'Arcalís". Mae'n aelod o BiB (Banda d'Improvisadors de Barcelona neu Band Byrfyfyr Barcelona.) Mae wedi cyfansoddi llawer o weithiau - ar gyfer ensemble pres, darnau symffonig, cerddoriaeth siambr, darnau corawl, ac ati. Ef yw awdur llyfr dysgu'r hyrdi-gyrdi "Iniciació a la fiola de roda" (Dechrau gyda'r hyrdi-gyrdi) (DINSIC, 2008).
www.marcegea.com
Yucatan - ein hoff fand Cymreig gydag ensemble llinynnol
Sain gain, dyner a meistrolgar o gytbwys, cerflun nefolaidd torcalonnus sy'n chwyddo trwy'r strociau brwsh meddal, tonnog a'r geiriau'n ychwanegu elfen o ddirgelwch. Mewn gwirionedd, allwch chi ddim llai nag ildio wrth i'r trefniannau gwasgu chwyddo, cwympo a'u lapio'u hunain o'ch amgylch wrth i'r gerddoriaeth ledu o agosatrwydd mewnsyllgar i lawenydd sy'n llethu'ch enaid.
Last Chance Saloon
Rhythm a Blws melodig, ffynci, gydag awgrym o roc gwlad a rhythmau cŵl, llawn enaid. Byddwch chi'n dawnsio ... Garantîd!
www.lastchancesaloon.bizGareth Pearson
Mewn llai na phum mlynedd mae wedi tyfu o rywun cymharol anadnabyddus oedd yn hoffi'r gitâr i berfformiwr proffesiynol sydd bellach yn perfformio mewn llawer rhan o'r byd. Mae ei boblogrwydd yn parhau i dyfu wrth i rai o fawrion y gitâr gan gynnwys Jan Akkerman a Tommy Emmanuel ei wahodd i berfformio gyda nhw ar daith. Ychwanegwch ei ganu nodweddiadol a'r canlyniad yw un o'r gitaryddion newydd mwyaf datblygedig a flodeuodd erioed.
www.garethpearson.com
Subsource
Mae electronica breakbeat gorwyllt y pumawd hwn wedi denu cymariaethau â'r Prodigy a Pendulum - efallai nad yw hynny'n syndod pan ystyriwch taw John Davis, sydd hefyd wedi gweithio gyda'r ddau fand uchod, oedd peiriannydd eu halbwm cyntaf Tales From The Doombox.
www.subsource.co.uk
